ہماری صحت اور دانت

ہمارے پیارے نبی ؐ کا فرمان ہے صفائی نصف ایمان ہے

صفائی کی بات آئے تو جسم کے ہر حصے کی صفائی بہت ضروری ہے جسم کے حصوں میں ہمارے دانت سب سے ضروری ہیں دانت ہماری شخصیت کے آئینہ دار ہوتے دانت اگر چمکدار اور بے داغ ہوں تو ملنے والے شخص پر ہماری شخصیت کا ایک اچھا تاثر پڑتا ہے
دانتوں کا خیال رکھنا بہت ضروری ہے اگر دانت سلامت ہیں تو صحت سلامت ہے دانتوں کا مضبوط ہونے کے ساتھ ساتھ چمکدار ہونا بھی ضروری ہے
دانت صرف کیمیائی توتھ پیسٹس سے ہی چمکدار نہیں ہو سکتے بلکہ دانتوں کی صحت کا سامان ہماری روزمرہ کی غذا میں موجود ہے جیسے کہ پھل جن میں سیب سٹرابیری  سیب   میں میلک ایسڈ پایا جاتا ہے یہ ایسڈ ہی ہمارے دانت قدرتی طور پر چمکاتا ہے سٹرابیری بھی سیب کی طرح ایک لذیز پھل ہے اس میں بھی میلک ایسڈ موجود ہے اس میں ایک اور ایلا جیٹا نینس نامی ایسڈ بھی پایا جاتا ہے جو ہمارے منہ میں سوزش اور زخم پیدا کر نے والے جراثیم کو ختم کرتا ہے اس میں شامل وٹامن سی ہمارے مسوروں کی سوجن دور کرنے کے لیے مفید ہے پانی اللہ کی بے شمار نعمتوں میں سے ایک ضروری نعمت ہے زیادہ پانی پینے سے دانت تیزابی اور غذائی ذروں سے محفوظ رہتے ہیں اسی لیے تاکید کی جاتی ہے کہ ہر کھانے کے بعد کلی کریں دانت صاف کرنے کے لیے مسواک بھی بہترین ہے ڈاکٹر کہتے ہیں ہمارے منہ میں جراثیم کی سات سو سے زیادہ اقسام نے ٹھکانا بنا رکھا ہے اگر دانت میں سوراخ ہو جائے تو وہاں بھی جراثیم اپنا ٹھکانا بنا لیتے ہیں  جراثیم مسوروں کو بھی کمزور کر دیتے ہیں اس کا یہی نتیجہ نکلتا ہے کہ دانت نکلوانے پڑتے  ہیں کچھ لوگ اپنے دانتوں سے بہت لاپروائی برتتے ہیں  اس لاپروائی کا نتیجہ یہ ہوتا ہے کی دانتوں پر زرد رنگ کی تہ جم جاتی ہےیہ تہ بھی جراثیم کے چمٹنے سے بنتی ہے اسے plaque کہا جاتا ہے پلاک پیدا ہونے کی وجہ ہی یہی ہے کہ ہم کھانا کھانے کے بعد دانت صاف نہیں کرتے دانتوں پر پلاک کا ہونا خطرناک عمل ہے وجہ یہ ہے کہ جب غذائی ذرات پر جراثیم اپنا ٹھکانا بنالیں تو وہ جراثیم تیزاب بناتے ہیں تو اس تیزاب سے دانتوں کے ٹوٹ پھوٹ کے عمل کاآغاز ہوتا ہے انسان اگر باقائدگی سے اپنے دانتوں کی صفائی کی جائے تو یہ تحفہ خداوندی عمر بھر اس کا ساتھ دے سکتا ہے دانت تندرست رکھنے کے لیے کچھ مشوروں پر عمل کیجیے
فاسٹ فوڈ اور بازاری مشروبات سے پرہیز کیجیے چینی یا شکر کم استعمال کریں
دن کم از کم دو بار برش کریں
کچھ کھانے کے بعد کلی کریں
گاجر مولی کھیرا دانت مضبوط کرنے والی غذائیں ہیں انہیں اپنی زندگی میں شامل کریں
ایک ہی برانڈ کی ٹوتھ پیسٹ استعمال نا کریں ۔
اگر آپ چاہتے ہیں کہ آپکے دانت آخر تک آپکا ساتھ دیں تو ان کی حفاظت کریں
  .  .  (خوش رہیں خوشیاں بانٹیں)